Dia 3 agosto 2020, equipa Fundação São Paulo ho equipa RAEBIA Timor Leste halo sorumutu ida ho representante hosi cada grupo agricultura iha Comando, aldeia Sukalau, Suco Dare. Sorumutu ida ne’e ho objetivo atu halo avaliação ba preparação atividade concurso ba técnico agrícola sustentável iha To’os Foho Lolon hosi cada grupo iha suco Dare, nebe hetan participação financeira hosi União Europeia. Equipa RAEBIA Timor Leste apresenta ba membro grupo sira kona ba criteria ou condição geral hosi concurso ne’e rasik mak hanesan: identifica fatin demonstração ba concurso técnico agrícola hosi cada grupo, hafoin etapa sira kona ba processo produção adubo no aplicação dadubo iha To’os Foho Lolon. Iha biban hanesan, Equipa Fundação São Paulo Diocese de Dili hamutuk ho equipa RAEBIA Timor Leste distribui material agricultor mak hanesan: karau dikur, enxada, ai-suak, kanuru boot, katana ba membro grupo sira hodi utiliza ba replicação técnico agrícola iha sira ida-idak ninia fatin. Participante sira senti satisfaz tamba hetan ona material agricultor hodi utiliza iha sira ida-idak ninia to’os.