Iha loron 2 Outubro, 2020, grupo seminarista nain 30 (tolunulu) hosi Seminário Maior Fatumeta, Dili hahú ona tuir formação kona ba produção adubo composto maran iha fatin demonstração (Demo Plot), Dare. Grupo ida ne’e foin mak ba dala uluk tuir formação kona ba ténica agrícola sustentável iha âmbito projeto “Reflorestação de Dare”, financia hosi União Europeia. Atividade ba loron ohin nian mak hanesan, halo preparação material recurso natural sira mak hanesan: du’ut, karau-ten, hodi kain, ai maran lahuk, ahukdesan no EM4. Formação ida ne’e facilita hosi ténico RAEBIA durante horas 3 (tolu nia laran) iha fatin demonstração, Dare, no hetan acompanhamento hosi equipa Fundação São Paulo. Formação ba grupo seminarista hosi Seminário Maior, Fatumeta, sei hala’o iha loron sexta-feira, hosi tuku 14h00-17h00 OTL. Fatin ba formação nian localiza iha Dare, besik ho Centro Retiro. (Hosi: Rogaia Amélia Castro)