Ohin, 5 agosto 2020, East Timor Development Agency (ETDA) fo exame escrita dahuluk ba 12 candidato ba formação iha área Guia Turístico no área seluk mak hanesan Gestão casa hóspedes (alojamento), Gestão ba restaurante, no formação kona ba Pensamento criativo no crítico. Iha fase exame escrita ida ne’e (Pre-testing) ho objetivo atu hatene didiak capacidade no motivação hosi candidato sira nian wainhira escolha hakarak tuir formação iha área turismo nian. Tuir plano hosi Fundação São Paulo, total participante iha formação ida ne’e hamutuk 20 pessoas. Participante sira sei tuir formação durante loron 40 (hatnulu) hosi loron Segunda-feira to’o Sexta-feira hosi dader to’o lorokraik. Iha loron 40 (hatnulu) nia laran ida ne’e, participante sira mos hetan oportunidade durante loron 17 (sanulu resin hitu) hodi halo estágio iha fatin hirak nebé ETDA Trainers sei coloca ba. Realização hosi atividade formação ida ne’e financia hosi União Europeia iha âmbito Projeto “Reflorestação de Dare.”