Ohin, Quarta-feira, 16 setembro 2020, Arcebispo Dili, Dom Virgílio do Carmo da Silva, SDB halo visita iha fatin intervenção projeto “Reflorestação de Dare” nebé financia hosi União Europeia iha área Comando Dare, hahú hosi tuku 13h30 to’o 14h00. Aproveita ho tempo badak ida ne’e, Arcebispo hakarak haré direita atividade sira nebé mak implementa dadaun ona iha área referida. Atividade hirak nebé mak olheiro sira hala’o dadaun iha área Comando mak hanesan: 1). Hadia plantação café nian hamutuk ho aifuan sira nebé mak kuda ona iha área Comando, no, 2) Halo colheita café moca, café robusta no cravinho (cengkeh). Arcebispo mos halo visita ba armagém café nian nebé acompanha hosi Presidente Fundação São Paulo Diocese de Dili (FSPDD), Pe. Augusto Martins hamutuk ho consultor, Sr. Fernando Soares, Pe. José Mariano no Pe. Cirílio dos Santos. Presidente FSPDD haktuir ba Arcebispo Dili, Dom Virgílio do Carmo, SDB,  kona ba atividade hirak nebé mak hala’o ona iha área Comando durante periodo implementação projeto “Reflroestação de Dare”, nebé intensivamente, hahú ona hosi fulan Março, 2020. Liu tiha visita ba armagém café nian, Arcebispo mos haré direita máquina dulas café uut nebé mak pronto ona atu halo operação molok atu halo embalagem no fan café ba iha mercado. (Hosi: Rogaia Amélia Castro)