Iha loron Sábado, 20 fevereiro 2021, grupo associação acólitos hosi Paróquia St.António Motael, hamutuk ho Amu vigário paroquial, Rev. Mariano Maia, hamutuk mos ho care taker sira iha área plantação Comando-Dare, realiza atividade kuda aioan iha área refere. Atividade kuda aioan iha data 20/02/2021, sai ona nu’udar agenda ba ação quaresmal hosi grupo categorial hosi paróquia ida ne’e. Grupo ida ne’e hola rasik iniciativa hodi hakonu sira ninia atividade sira iha período hadera-na nian ida ne’e, liuliu iha tempo quaresma iha tinan 2021, atu sira mos bele hola mos parte iha atividade reflorestação iha Dare. Membro sira hosi grupo associação acólitos Motael nian, nebe mak participa iha atividade kuda aioan nian hamutuk 19 (sanulu resin sai), mak hanesan feto nain 2 (rua) no mane nain 17 (sanulu resin hitu). Aioan hirak nebe mak kuda iha área intervenção ba reflorestação nian mak hanesan: ai nimba, gamal no ai matan-dukur. Total aioan kuda iha área refere hamutuk 400 (atus haat). Atividade kuda aioan ida ne’e hala’o iha âmbito projeto “Reflorestação de Dare”, financia hosi União Europeia iha Timor Leste.

Husi: Rogaia Borromeu & Silvestre Castro