Ohin, segunda-feira, loron 22 fevereiro 2021, Arquidiocese de Dili, representa hosi Ecónomo, Rev. Pe. Ivo Martins Hi da Silva assina kontratu (Confissão de Divida) ho Fundação São Paulo da Diocese de Dili (FSPDD), nebe representa hosi Presidente do Conselho Administrativo, Rev. Pe. Augusto do Carmo Martins iha sala reuniaun Arquidiocese Dili.
Kontratu ida ne’e realiza ho objetivu katak Arquidiocese de Dili entrega Cantina “Patris Corde” ba Fundação São Paulo Diocese de Dili (FSPDD) hodi gere, liu husi fundo emprésstimu husi Arquidiocese Dili ho montante USD 10,000.00 (dólares amerikau rihun sanulu). FSPDD sei devolve hias pagamento total hosi valor ida ne’e, liu tiha tinan ida hosi rendimentu nebe mak iha iha loron 22 fulan fevereiru 2022.
Alende nee, Fundação São Paulo mos sei kumpri pontu hirak nebe mak hakerek ona iha kontratu laran ne’e, liuliu sei kontribui valor rendimentu anual 10% ba Arquidiocese Dili.Antes nee Fundação São Paulo Diocese de Dili (FSPDD) mos prepara ona estudante neebe durante tuir formasaun kona ba Gastronomia, Atendimento Báziku, Hospitalidade no Hotelaria iha ETDA no PRO-EMA durante loron 90, nebé mak hetan apiou fundu hosi União Europeia iha Timor Leste, iha âmbitu projetu “Reflorestação de Dare”.
Nune’e, Cantina “Patris Corde” sei jere liu husi foinsa’e sira nebe mak hetan ona formasaun iha ETDA no PRO EMA, atu cantina ida ne’e bele fo atendimentu ho professional.
Husi: Rogaia Borromeu & Silvestre Castro
