Iha loron 8 fulan dezembro tinan 2021, Uma Kreda particular iha Timor, especialmente Arquidiocese Metropolitana Díli loke tan página foun ida iha sector educação nian iha nivel ensino superior. Mehi nebé sai realidade, hahú kedas hosi episcopado Dom Carlos Filipe Ximenes Belo, SDB, continua fali ho episcopado matebian Dom Alberto Ricardo da Silva no ikus mai realiza duni iha episcopado Arcebispo Dom Virgílio do Carmo da Silva, SDB. Nune’e, data ida ohin 8 dezembro 2021, hahu kedas iha missa Solenidade Imaculada da Conceição iha igreja Catedral Díli, chanceler Rev. Pe. Paulus Maya lê sai Despacho da Ereção Universidade Católica Timorense (UCT) – São João Paulo II, nune’e mos, ao mesmo tempo eleva no integra mos Instituto de Ciências Religiosas (ICR) ba grau universidade, no fo sai Provisão ba Corpo Diretivo UCT nian mak hanesan, Reitor: Pe. DR. Joel Casimiro Pinto, OFM; Vice Reitor: Pe. Guilhermino da Silva, MBA no membro estrutura seluk tan. Cerimónia inauguração no abertura solene UCT nian realiza iha Campus Balide iha tuku 16h00 OTL. Iha cerimónia solene ida ne’e, Loreado Nobel da Paz no eis Presidente RDTL, Dr. José Ramos Horta sai nu’udar orador principal iha Oration Sapientia ho tema: Timor Leste na escruzilhada: Desafios, Oportunidade. “Enfim, vi finalmente concretizado um desígnio – uma universidade católica, exigida na tradição do reconhecimento do papel da crença de Cristo havida na luta pela identidade deste povo, que as instituições eclesiásticas católicas ampararam, promoveram, defenderam e acompanharam na vitória”, tenik orador durante ninia discurso iha Salão Nobel da Paz da UCT, Balide.
Marca mos presença iha cerimónia ida ne’e, Sua Ex.cia Primeiro Ministro da RDTL, Taur Matan Ruak ho Senhora, Ministro do Ensino Superior, Ciência e Cultura, membro governo sira seluk, Embaixador do Brasil, Maurício Medeiros de Assis, amululik sira no mos membro comunidade sira seluk tan.
Cerimónia Inauguração no Abertura Solene ba UCT remata ho assinatura ba placa 2 mak hanesan Inauguração no Abertura Solene hosi Sua Ex.cia Primeiro Ministro RDTL no mos Arcebispo Metropolita de Díli, Dom Virgílio do Carmo da Silva, SDB. Liu tiha cerimónia assinatura placa, Rev. do Pe. Jovito do Rêgo hato’o liafuan agredecimento no gratidão ba ema tomak, benfeitor no entidade hirak nebé mak lolo ona liman hodi tulun ba processo tomak construção no ereção universidade católica ida ne’e.
Hosi: Rogaia Castro
