Dia 11 Outubro nu’udar Loron Internacional ba Labarik Feto. Ohin iha Centro Retiro Dare, Embaixador União Europeia iha Timor Leste, Ex.cia Andrew Jacobs hili Dare nu’udar fatin hodi halo comemoração ba Loron Internacional ba Labarik Feto tamba estudante 30 (tolunulu) hosi Escola Secundária Católica São Francisco Xavier Dare, tuir mos formação técnica agrícola iha âmbito projeto Reflorestação de Dare. Embaixador União Europeia fo parabéns ba Fundação São Paulo tamba desenvolve ona projeto Reflorestação de Dare ho sucesso liu hosi formação ba toos nain sira, kuda aioan sira iha área intervenção projeto nian hodi combate mudança climática, no mos, halo requalificação ba espaço Centro Retiro de Dare, no, ikus liu fo formação turismo-hospitalidade, no cria campo de trablaho ba foinsa’e sira hosi Dare.
Inciativa celebra Loron Internacional ba Labarik Feto
Celebração Loron Intenacional ba Labarik Feto hahú uluk iha loron 11 Outubro 2012. Nune’e, Plan Internacional mak iha uluk iniciativa hodi celebra Loron importante ida ne’e. Tuir Diretora Plan International, Sra. Dillyana Ximenes, dehan, “Plan International iha Timor Leste hahú halo campanhe mundial boot ba tinan 5 (lima) ho tema “Because I am a Girl – Tamba Ha’u Labarik Feto”, ho ninia foco principal mak atu labarik feto sira hetan acesso ba educação máxima, atu labarik feto sira labele kaben sedu, basá labarik feto sira wainhira hetan oportunidade no apoio nebé máximo, sira mos bele sai liderança nebé mak qualidade no bele halo mudança iha sira nia moris.” Diretora motiva nafatin labarik feto sira atu aproveita nafatin oportunidade hodi desenvolve – an didiak iha sira nia estudo, nune’e, iha futuro bele sai ema nebé sucesso iha comunidade nia le’et.
Embaixadora Estudante
Iha celebração Loron Internacional ba Labarik Feto, Plan Internacional fo mos oportunidade ba alin feto Mércia dos Santos hosi Município Aileu, escola iha EBF Hoholau, classe 8º. Ano, ho tinan 14 (sanulu resin haat) hodi sai nu’udar Embaixadora União Europeia ba Timor Leste. Iha ninia discurso, Embaixadora Estudante ida ne’e hato’o boas vindas ba bainaka sira hotu nebe mak hi’it-an mai participa iha atividade Visita iha Terreno hodi assiste direta atividade formação nebé joven agricultor sira iha âmbito Projeto “Reflorestação de Dare, financia hosi União Europeia, no, implementa hosi Fundação São Paulo no ONG RAEBIA Timor Leste. Nia dehan, “objetivo hosi atividade reflorestação de dare mak atu reforça resilência comunidade sira nian ba mudança climática liu hosi halo conservação di’ak ida ho usa recurso natural sira liu hosi adaptação técnica agrícola, no, permite comunidade atu hetan rendimento liu hosi atividade eco-turismo. Ha’u hanesan Embaixador EU ba Timor Leste, no imi hanesan geração futuro iha nação ida ne’e, ha’u husu ba labarik feto no labarik mane sira atu hahú halo ação simples hodi bele preserva ambiente, hanesan la soe foer ba rai, no cuida hahalok diak hodi kuda nafatin aioan iha ida-idak ninia fatin. Nune’e, wainhira cuidado ambiente sai diak, moris mos sei di’ak.”
Visita Terreno
Coordenador Geral Projeto Reflorestação de Dare, Rev. Pe. Augusto do Carmo Martins, acompanha Embaixador União Europeia, Sr. Andrew Jacobs, Embaixadora Estudante, no, equipa comitiva sira hakat liu ba visita terreno atividade sira iha Demo Plot, mak hanesan karau luhan, terras, produto sira nebé mak kuda iha terras laran, no, preparação adubo composto iha nian fatin. Coordenador Geral ba projeto ida ne’e halo explicação ba convidado sira kona atividade eco-farm iha Demo Plot liu hosi informação hirak nebé coloca ona iha banner informação nian. Atividade visita terreno ida ne’e, remata ho colheita ba brocolli (cobby flower) nebé mak acompanha mos hosi Acting Diretor, Sr. Mateus Maia. Colheita ba brocolli ba loron ida ohin nu’udar fase daruak wainhira equipa ROM mai halo hela availiação ba projeto refere. (Hosi: Rogaia Castro).
