Ohin, 12 março 2024, equipa Fundação São Paulo composto hosi Direção Geral no Coordenador Geral sira hosi unidade Cantina Patris Corde, Cantina MANHU UCT, Centro Retiro de Dare (CRD), no, Comando-Dare hala’o sorumutu dahuluk iha Tinan Fiscal 2024 hamutuk ho Sua Eminência Dom Virgílio Cardeal do Carmo da Silva, SDB. Objetivo hosi sorumutuk ida ne’e, tenik Sua Eminênca mak “atu conhece klean liu tan serviço Fundação São Paulo nian liu hosi atividade hirak nebé mak implementa ona durante período hirak nia laran iha nebé hahú hosi tinan 2019 mai to’o iha tinan 2023.” Sorumutu ida ne’e mos momento valioso ida iha nebé funcionário Fundação São Paulo nian bele halo diálogo aberto ida ho Sua Eminência hodi identifica oportunidade no desafio hirak nebé enfrenta ona iha período hirak nia laran ne’e. Entretanto, durante sorumutuk ida ne’e, funcionário hosi cada unidade sira apresenta ida-idak ninia progresso serviço no resultado hirak nebé mak atinge ona liuliu iha período Tinan Fiscal 2023. Iha sorin seluk, Presidente Conselho Administrativo Fundação São Paulo (FSP), Rev. Pe. Augusto C. Martins apresenta atividade geral nebé FSP realiza ona iha tinan 2023 hamutuk ho relatório financeiro iha nebé hetan ona auditoria hosi companhia Leao, Unipessoal Lda, Accountant Office ba tinan fiscal 2023 nian. Iha biban hanesan Presidendente Conselho Administrativo FSP nian mos apresenta plano atividade hirak nebé mak sei realiza iha Tinan Fiscal 2024, mak hanesan atividade conservação ba rai no bée, eco-farm, ecoturístico, no construção ba sala conferência iha Comando-Dare.
Impressão Geral
Serviço nebé FSP realiza ona hala’o iha âmbito serviço equipa nian iha nebé serviço hirak nebé hala’o ne’e sadere nafatin ba iha regulamento interno FSP nian hodi bele atingi resultado nebé mak di’ak ba fundacção ne’e rasik. Nune’e, precisa atu mantém nafatin sistema controlo nebé mak hatúr ona iha fundação, no, iha nebé fundação rasik mak sai nu’udar mahon ida ba iha Departamento sira tomak iha Arquidiocese Díli nian.
Soromutu ida ne’e hahú iha tuku 15h00 no remata iha tuku 17h00 ho café loraik entre equipa FSP ho Sua Eminência, iha sala de reunião Conselho Episcopal, Arquidiocese de Díli.
