Ohin, 9 agosto 2023, iha Campus UCT Balide, iha oras tuku 14h15 OTL, Direção UCT simu bainaka sira hosi Delegação Universidade New South Wales (UNSW) Sydney. Objetivo visita hosi equipa Delegação ida ne’e hodi halo reunião dahuluk ho Direção UCT nian. Equipa Delegação UNSW Sydney composto hosi Dr. George Varughese (Assicuate Professor and Director of the UNSW Sydney) – Institute for Global Development, Sra. Kirsten Ridley (Program Manager/Global Health Program), Sr. Augustine Asante no Sr. Jean. Equipa ida ne’e hala’o kedas encontro dahuluk iha sala reunião UCT nian hamutuk ho Magno Sancheler Dom Virgílio Cardeal do Carmo da Silva SDB, Reitor UCT, Frei Joel Casimiro OFM, Diretor Executivo Fundação São Paulo, Rev. Pe. Augusto C. Martins, Vice Reitor no Pro Reitor, Decano sira, etc. Reunião ida ne’e hala’o iho intenção hodi explora liu tan informação detalho sira konaba processo aprendizagem iha UCT, iha âmbito Proposta Projeto ho título: “A support to the developement of a laboratory and library of Universidade Católica Timorense (UCT) Catholic University”  nebé mak Fundação São Paulo submete ona Embaixada Hungaria iha Jakarta. Portanto, equipa Delegação hosi UNSW Sydney hetan pedido hosi Embaixada Hungaria hodi aproveita tempo visita mai Timor Leste entre dia 7 – 11 Agosto 2023, atu halo mos visita no halo reunião dahuluk ho Direção UCT konaba projeto desenvolvimento laboratório médicina no biblioteca iha UCT liu hosi proposta nebé Fundação São Paulo subemete ona ba Embaixada Hungaria iha Jakarta, Indonésia.

Visita fatin laboratório

Liu tiha reunião no discussão sira, Direção UCT hamutuk ho Reitor acompanha equipa Delegação UNSW hodi visita fatin laboratório sira mak hanesan laboratório computador, medicina no infarmagem, química, comunicação social no agricultura.

Atividade ida ne’e remata ho lancha hamutuk ho equipa delegação hosi UNSW.