Ohin, 02 fevereiro 2023 iha horas tuku 14h15 meio-dia, Embaixador sira hosi União Europeia hosi Bélgica, Finlândia, Suíça no Embaixador Europeia iha Timor Leste, Sua Ex.cia Sr. Marc Fiedrich halo visita local ba fatin projeto “Reflorestação de Dare” iha Comando Dare no Centro Retiro de Dare. “Objetivo hosi visita ida ne’e atu assiste direita resultado hosi projeto ne’e rasik, no, aproveita mos oportunidade hosi rona direita comunidade sira nia apreciação ba projeto refere.” Tenik Embaixador União Europeia iha Timor Leste, Sr. Marc Fiedrich. Iha biban hanesan Rev. Pe. Augusto C. Martins, nu’udar Coordenador Geral ba projeto “Reflorestação de Dare” apresenta mos contexto geral konaba atividades tomak durante período implementação projeto ne’e rasik. Ao passo que, Diretor Executivo ONG RAEBIA Timor Leste, hato’o conteúdo formação konaba microprograma sira hosi atividade Conservação ba Rai no Bée, no formação técnica agricultura sustentável nebé mak hola parte mos iha período implementação projeto ida ne’e.

Hakat tiha hosi Comando Dare, equipa comitiva hosi Delegação União Europeia halo mos visita ba iha Centro Retiro de Dare nebé mak hetan mos fundos ruma hosi União Europeia hodi halo rehabilitação ba espaço sira iha Centro Retiro de Dare, inclui extenção ba Esplanada Dare.

Visita ida ne’e remata ho lanche hamutuk ho funcionário no Care Taker sira iha Dare, no, hosi parte Fundação São Paulo ofereçe mos lembrança produto Dare nian mak hanesan Café Robusta no Cravinho ba bainaca sira.