Ohin, Quarta-feira, loron 16 dezembro 2020, grupo associação acólitos hosi paróquia Catedral Dili halo ação ba tempo Advento nian hodi kuda aioan (frutas) 208 (atus rua walu) nebé composto hosi Cacao: 147, Rambutão: 15, no, Salak: 46 iha área Centro Retiro de Dare, no mos, iha área Demo Plot Dare. Grupo categorial hosi paróquia Catedral Dili ida ne’e, além de, halo sira nia programa retiro Advento iha área Camando, Dare durante loron 3 (tolu), sira mos enche tempo retiro ida ne’e hodi kuda ai-aon (frutas) nebé mak prepara ona iha viveiro Comando-Dare durante tinan ida nia laran no pronto ona atu kuda iha período udan monu rai. Total participante nebé mak ohin kuda aioan hamutuk acólitos nain 25 (ruanulu resin lima), técnico REBIA Timor Leste hamutuk nain 2 (rua) ho staff FSPDD hamutuk nain 3 (tolu). Atividade kuda aioan ida ne’e halo iha âmbito projeto “Reflorestação de Dare”, financia hosi União Europeia iha Timor Leste.