Ohin, Quarta-feira, loron 16 dezembro 2020, membro equipa FSPDD hamutuk ho técnico ONG RAEBIA Timor Leste halo observação ba batar no fore nebé mak kuda ona iha área Demo Plot – Dare. Período kuda batar hahú kedas iha fim fulan outubro, 2020. Resultado observação hosi equipa sira haktuir katak iha filheira terraço nian, batar moris ho diak, maibé iha filheira terraço, batar moris seidauk boot didi’ak. Ida ne’e, causa hosi udan ben para tiha durante loron 15 (sanulu resin lima). Maibe, iha loron 3 dezembro, membro grupo OJT (On Job Training) nain 2 (rua), staff RAEBIA Timor Leste nain 3 (tolu) hahu rega ona adubos béen ba batar ho legumes hanesan fore keli, fore metan, fore mungu, fore masin no koto. Medida misturada adubos béen nian mak 2:1, significa bée litro 2 (rua) kahur ho adubo béen litru 1 (ida). Iha loron ida ne’e, rega adubo béen ba primeira fase, ho ninia resultado terrço hamutuk lólon 19 (sanulu resin sia). Ho técnica agrícola ida ne’e, resulta ona katak batar no legumes sira bele resiste no moris ho di’ak iha área Demo Plot – Dare.

Atividade ida ne’e hala’o iha âmbito projeto “Reflorestação de Dare”, financia hosi União Europeia iha Timor Leste.