Falta tan loron 4 (haat) implementação projeto “Reflorestação de Dare” to’o dadaun ona ninia rohan. Maibé espírito implementação atividade iha âmbito projeto ida ne’e sei manas nafatin. Ida ne’e mak realiza duni hosi staff ONG RAEBIA Timor Leste no Fundação São Paulo. Dadersaan deit equipa rua ne’e prepara ona aioan iha centro viveiro Comando mak hanesan durião, rambutão no laranja. Aioan hirak ne’e ohin distribui duni ba membro agricultor ida-idak ninia fatin atu sira kuda iha sira ida-idak ninia quintal. Membro grupo agricultor sira nebé mak ohin simu aioan mak hanesan grupo agricultor hosi Lemorana, Nahaek, Fatunaba, Sucalau no Fila Beba Tua. Total aioan nebé mak ohin distribui ba grupo hirak ne’e hamtuk 372 (atus tolu hitunulu resin rua). Além ida ne’e, iha mos plano sei kuda tan aioan 227 (atus rua ruanulu resin hitu) mak rambutão, durião no laranja iha centro Demo Plot, Dare.