Ohin, Sábado, loron 12 junho, 2021, realiza workshop dahuluk kona ba Projeto Pedagógicos dos Cursos Universidade Católica Timorense (UCT) – São João Paulo II. Atividade workshop ida ne’e facilita hosi Dr.João Câncio nu’udar Secretário I hosi Comissão Instaladora UCT. Iha seção discurso abertura ba workshop ida ne’e, Amu Vigário Episcopal para Assuntos da Educação Arquidiocese Díli, Rev. Pe. Guilhermino da Silva, dehan: “ohin loron, sociedade timorense tau hela esperança ba ita nia serviço iha UCT. Nune’e, ita nia sorumuto iha workshop ida ohin, atu lori ita nia processo tomak iha preparação ba documento sira UCT nian hodi submete ba Ministério da Educação.” Entertanto, tuir plano nebé mak Comissão Instaladora UCT prepara hela, universidade ida ne’e sei loke faculdade 4 (haat) mak hanesan: 1). Faculdade da Educação, Língua e Arte, iha nebé inclui escolas/departamento sira mak hanesan: Instituto das Ciências Religioas, Escola da Educação, Escola de Línguas no Escola de Arte (Música). 2). Faculdade das Ciências Humanas, fahe ba escolas/departamento sira mak hanesan: Escola de Direito, Escola de Serviços e Comunicação Sociais no Business School. 3). Faculdade das Ciências Médicas, fahe ba escolas/departamento: Escola de Medicina no Escola de Enfermagem e Farmácia. 4). Faculdade da Engaenharia Agrícola, fahe ba escola/departamento: Escola de Agrotecnologia e Agropecuária, Escola de Agroecologia e Agronegócio. Sistema curriculum nebé mak UCT atu adopta mak European Credit Transfer System (ECTS).

Iha worshop ida ne’e, iha mos secção ba apresentação kona ba Componente Curso Geral (Ex. Educação Cívica e Sidadania, Constituição da RDTL, Nuances Católicos, etc) hosi Rev. Frei Dr. Joel Casimiro, OFM. Liu tiha seção apresentação, loke mos secção discussão ba participante sira tuir cada faculdade nu’udar temi ona iha leten. Iha seção disscução grupo nian ida ne’e, discute kona ba período Pré-universitário, Mata Kuliah Umum, importância hosi monografia no mos apresentação ba trabalho nebé equipa sira elabora dadaun ona. Tuir plano hosi Comissão Instaladora UCT, elaboração ba documento preparação UCT nian, wainhira finaliza ona, sei submete ba Direção Ensino Superior – Ministério da Educação iha loron 16 Julho, 2021. Workshop ida ne’e hetan participação ativa hosi participantes 40 (hatnulu) iha Salão da Arquidiocese Metropolitana, Bidau Lecidere, Díli. (Hosi: Rogaia Castro).